Халеп Уимблдон турнирининг илк ярим финалчиси

Руминиялик теннис маликаси ҳозиргина якунига етган чорак финал учрашувида хитойлик Чжан Шуайни мағлубиятга учратди. Халеп 1 соату 26 дақиқа давом этган баҳс якунида рейтингнинг роппа-роса 50-поғонасидан жой олган рақибасини 7/6(4), 6/1 ҳисобида таслим этди.

Симона ва Чжан учрашув давомида бор йўғи биттадан эйс зарбасини амалга оширишди. Теннисчиларнинг ўзаро учрашувларидаги ҳисоб эса тенглашди - 2:2. Энди Халеп турнирнинг ярим финалида украиналик Элина Свитолина ёки чехиялик Каролина Муховага қарши кортга чиқади.