30 сен 15:03
Янгиликлар

Теннис

Халеп WTA Якуний турниридаги иштирокини кафолатлади

Руминиялик теннис маликаси Симона Халеп йилнинг Якуний WTA турниридаги иштирокини таъминлади.

Бугун эълон қилинган ҳафталик WTA рейтингида Халепнинг очколари 4897га етгани ойдинлашди. Бу билан Симона Шэньчжэнь шаҳрида ўтказиладиган ва дунёнинг саккиз нафар теннис маликалари қатнашадиган Якуний турнирдаги иштирокини кафолатлади.

Маълумот учун, Симона Халепга қадар WTA Finals турнирида қатнашиш ҳуқуқини австралиялик Эшли Барти ҳамда чехиялик Каролина Плишкова қўлга киритган эди.