Халеп хоним нима учун Жокович билан рақс тушмаганини айтди

"Орзуим рўётга чиқди. Ота-онамнинг хурсандчилиги ҳам бир олам эди. Ҳамма Уимблдон чемпиони бўлишни истайди. Лекин мен ҳеч қачон бу мусобақани юта олмасам керак деб ўйлардим. Ўз кучимга ишонч йўқ эди. Энди чемпионлик унвони камида икки йил менда бўлади. Бу йил ҳам менга турнир кепкаси ва сочиғини жўнатишди. Шундай экан, байрам давом этади. 

Дарвоқе, чемпионлик учрашувидан сўнг Новак Жокович рақсга тушишни таклиф қилганди. Лекин мен унга рад жавобини бергандим. Ўша пайтда ғалабадан кейинги ҳаяжон сўз билан етказиб бериб бўлмас даражада эди. Йиқилиб тушишдан қўрққандим. Шу омиллар сабаб Новакка "Йўқ!" дегандим", - деди Халеп.