11 июл 17:40
Янгиликлар

Теннис

Теннисчимиз Саидаслам Фарходов Уимблдон U14 турнирида иштирок этяпти

Буюк Британияда давом этаётган Wimbledon 14&Under турнирида Ўзбекистон шарафини ҳимоя қилаётган Саидаслам Фарходов гуруҳ босқичини якунлади.

Ҳамюртимиз D гуруҳида учта учрашув ўтказиб, икки ғалаба ва бир мағлубият қайд этди ҳамда гуруҳда иккинчи ўринни эгаллади.

Гуруҳ босқичида Фарходов Хитой вакили Ли Янруни 6/4, 2/6, 10:8 ҳисобида, Буюк Британия теннисчиси Калеб Гриффитҳни 7/6(4), 6/2 ҳисобида мағлуб этди. Шунингдек, Швейсария вакили Жонас Wаэлтига 2/6, 2/6 ҳисобида имкониятни бой берди.

Мусобақа регламентига кўра, Саидаслам энди Consolation Play-Off босқичида иштирок этади.

Навбатдаги учрашувда у Буюк Британия вакили Оскар Ласковскига қарши кортга чиқади.