19 ноя 11:47
Янгиликлар
"Пахтакор"га қарши ўйин олдидан "Ал-Иттиҳод" бош мураббийи 6 нафар ёш футболчини асосий жамоага жалб қилди
Улар Карим Ҳиндовий, Ёсин Ол Жобир, Ғассон Баабдуллоҳ, Муҳаммад Ҳазозий, Абдуллоҳ ас-Саҳлий ва Абдулмажид Айяшдир.
Германиялик мутахассис бундай қарорга жароҳатлар ва айрим футболчиларнинг миллий терма жамоалари ихтиёрига кетгани сабабли келган.
18 ноябрь куни "Ал-Иттиҳод" Жиддада биринчи дивизион вакили "Ал-Ула" билан ёпиқ ўртоқлик учрашуви ўтказиб, 2:0 ҳисобида ғалаба қозонди. Голларга Жорж Иленихена ва Ян-Карло Симич муаллифлик қилди.
Шунингдек, узоқ вақт жароҳат сабаб майдонга тушмаган ҳимоячи Аҳмад Шараҳили ҳам мазкур баҳснинг иккинчи бўлимида иштирок этди. Мураббийлар штаби унинг жисмоний ҳолатини баҳолаб бормоқда.
"Ал-Иттиҳод"нинг малиалик ярим ҳимоячиси Муҳаммаду Думбия эса жамоавий машғулотларга босқичма-босқич қайтаётганига қарамай, ўртоқлик учрашувида иштирок этмади. Унинг тўлиқ тикланиши декабрь ойи охирида кутилмоқда.
Эслатиб ўтамиз, "Ал-Иттиҳод" ва "Пахтакор" ўртасидаги ОЧЛ Элит 5-тур учрашуви 23 ноябрь куни Жиддадаги "Ал-Инма" стадионида бўлиб ўтади.
Тўрт турдан кейин саудияликлар 4 очко билан Ғарб минтақаси мусобақа жадвалида 10-ўринда бормоқда.
Фикрлар