18 янв 16:27
Янгиликлар

Бокс/ММА

Хамзат Чимаев: "Биз кучсизмиз – ҳеч ким жанг қилишни хоҳламаяпти"

Ўрта вазнда UFC чемпиони, мағлубият нималигини билмай келаётган россиялик аралаш яккакураш устаси кейинги жанги учун рақиб топишга қийналаётганини айтмоқда.

Бу ҳақда "Борз" Австриянинг МТ GYM23 клубида бўлиб ўтган семинарнинг савол-жавоб сессиясида маълум қилди.

"Кейинги жангим қачон? Билмадим. Ҳеч ким мен билан жанг қилишни хоҳламаяпти. Бу ҳолатда нима ҳам қила олардим?", - деб жавоб берди Чимаев.

Ҳафта бошида Хамзат Чимаев яримоғир вазн тоифасида амалдаги UFC чемпиони Алекс Перейрага мурожаат қилиб, бразилияликка шу йилнинг ёзида Оқ уйдаги турнирда жанг ўтказишни таклиф қилган, аммо ундан жавоб олмаган эди.

"Ҳа, ҳамма биладики, мен Перейра билан жанг қилмоқчиман, лекин у жанг қилишни истамаяпти. Алекс бу жангни хоҳламаслигини айтди. Бу борада ҳам ожизмиз", - дея қўшимча қилди UFC чемпиони.