21 янв 13:04
Янгиликлар

Бокс/ММА

Хамзат Чимаев чемпион дю Плессига "вызов" ташлади

Ўрта вазн (84 кг.гача) тоифаси UFC рейтингида тўққизинчи ўринни эгаллаб турган Хамзат Чимаев Дрикус дю Плессини октагонга чорлади.

Жанубий Африка Республикаси вакили бугун Торонтода ўтган UFC 297 турнирининг асосий жангида эндиликда собиқ чемпион, америкалик Шон Стриклендни очколар (49-48, 48-49, 49-48) ҳисобига кўра мағлубиятга учратиб, камарнинг янги соҳибига айланганди.

"Тез орада кўришамиз, Биплиси. UFC 300", — дея ўзининг ижтимоий тармоқдаги саҳифасида хабар қолдирган Чимаев.

Эслатиб ўтамиз, Хамзат Чимаев ўзининг сўнгги жангини ўтган йилнинг октябрь ойида UFC 294 турнири доирасида Камару Усманга қарши ўтказиб, очколар ҳисобига кўра ғалаба қозонган эди.