Хамзат Чимаев Гилберт Бёрнсдан сўнг ким билан жанг қилмоқчи эканлигини айтди

"Бёрнсни мағлуб этиб, Ковингтон-Масвидаль жанги ғолиби билан жанг қиламан, чунки Камару Усманнинг қўлида жароҳати бор. Умид қиламанки, у тез тикланади - у билан жанг қилишни хоҳлайман.

Биз ва Ковингтон-Масвидаль жуфтлиги ғолиби даъвогарлик жангини ўтказиши мумкин ёки вақтинчалик камар учун курашиши мумкин. Усман тузалганидан сўнг, у билан жанг қиламиз. Бу ажойиб бўлади", - дея таъкидлаб ўтган Чимаев. 

Бундан ташқари, чеченистонлик жангчи эҳтимолий рақибларининг жанги бўйича ўз фикрлари билан ўртоқлашди.

"Ўйлашимча, улар яхши жанг ўтказади. Менимча, кичик фарқ билан Масвидаль фаворит бўлади, лекин Колби ҳам яхши жангчи. Кўрамиз - жангда ҳамма нарса бўлиши мумкин. Имкониятлар - 50га 50".

Эслатиб ўтамиз, Чимаев-Бёрнс жанги ҳали расман эълон қилинмади, жанг 9 апрел санасида Жексонвилда бўлиб ўтадиган UFC 273 турнири доирасида ўтиши тахмин қилинмоқда.