15 сен 10:51
Янгиликлар

Бокс/ММА

Хамзат Чимаев Исроилнинг энг кучли кишисини жангга чорлади

Таниқли чечен жангчиси Хамзат Чимаев бразилиялик Пауло Костага қарши ўтказиладиган жангига тайёргарликни давом эттирмоқда.

Ҳозирда Швеция шарафини ҳимоя қилаётган Хамзат Фаластин ва Исроил ўртасидаги бир неча йилдан бери давом этиб келаётган низога ўз муносабатини билдирди.

"Сизлар Фаластинда меҳмонсизлар, шуни унутманглар! Фаластинликларни сиз каби қочоқларга ер бергани учун ҳам ҳурмат қилинглар. Сизлар ҳали Фаластиндан қувиб чиқариласизлар. Бу кун албатта келади. Менга Исроилнинг энг кучли кишисини беринглар. Мен уни синдираман", - дея ўзининг ижтимоий тармоқдаги саҳифасида исроилликларга мурожаат қилган "Борз".

Кейинчалик бу хабар ўчирилган.

"Мен хабарни ўчирганим йўқ - уни блоклаб қўйишди", - дея ҳолатга муносабат билдирган Чимаев.

Эслатиб ўтамиз, 29 ёшли Хамзат Чимаев UFC`да 6 та ғалабадан иборат серия билан келяпти ва 21 октябрь куни Абу-Дабида ўтказиладиган UFC 294 турнирида Пауло Костага қарши октагонга кўтарилади.