Хамзат Чимаев Колби Ковингтонга қарши жанг ҳақида гапирди

"Колби ёлғон гапиряпти, аслида у жанг қилишни истамаган. Худо ҳаққи, мен тўрт мартта жанг қилишга рози бўлганман. Мусулмонлар мени тушунади. Улар тўрт маротаба қўнғироқ қилишди ва барчасида рози бўлдим. Биз буни Шон Шелби билан муҳокама қилдик, у ҳам биз жанг қилишга тайёр эканлигимни билар эди. Лекин жанг ташкил этилмади.

Колби учун матбуот анжуманида ёлғон гапириш осон. Лекин мен одамларни алдай олмайман. UFC институтида учрашганимизда, у юз ўгириб қочиб кетди ва мен уни бошқа кўрмадим. Исталган жангчи билан жанг қиламан, вазн муҳим эмас. Ҳеч қачон рақиб танламайман. Ҳамма интернетда Хамзат билан жанг қилишга тайёрман дейди, лекин нега мен ҳалигача жанг қилмадим?", - деди Чимаев.

Аввалроқ, Леон Эдвардс Колби Ковингтонга қарши жанг қилишдан бош тортгани ҳақида хабар берган эдик.