Хамзат Чимаев - Пауло Коста жанги Абу-Дабида ўтказилади(ми)?

Гап Хамзат Чимаев ва Пауло Коста ўртасидаги жанг ҳақида кетмоқда. Бу ҳақда ўрта вазн тоифасида UFC чемпионлик камари учун собиқ даъвогар бўлган Костанинг ўзи хабар берди.

Бразилиялик аралаш яккакураш устасининг сўзларига қараганда, у UFC билан янги шартнома бўйича келишиб олган. Коста олдида иккита таклиф бор – май ойида Шон Стрикленд ёки октябрда Хамзат Чимаевга қарши жанг ўтказиш.

"Тўғри, ҳали шартнома имзоладим, лекин UFC билан масаланинг молиявий томонлари бўйича келишиб олдик. Бу осон бўлмади, аммо биз уддаладик. UFC Чимаев билан жанг ҳар қандай ҳолатда ҳам ўтказилишини хоҳламоқда. Мен эса ҳар икки жангнинг ўтказилиш тарафдориман", - деди Коста.

Эслатиб ўтамиз, 31 ёшли Пауло Коста февраль ойида UFC билан шартнома бўйича сўнгги жангини Роберт Уиттакерга қарши ўтказиши керак эди. Лекин Пауло пул масаласида келиша олмагани учун UFC 284 турнирида жанг қилишдан бош тортганди.