Хамзат Чимаев Пётр Янга жавоб қайтарди: "Мен русман!"

"Ҳар бир инсоннинг ўз фикри бор, лекин буни таниши айтса, албатта, таъсир қилади. Мен Пётр Ян билан танишман, у ҳам мени танийди. Мен рус тилида сўзлашаман, мен Россияда яшайман, биз бир базада машқ қилганмиз. Ва у: "Мен Хамзатни рус жангчиси деб ҳисобламайман", дейди. Мен билан рус тилида гаплашсанг, қандай қилиб мени рус жангчиси деб ҳисобламайсан?

Мен Россияда зал қурганман, Россияда йўл қурганман, Россияда ёшларга ёрдам бераман. Мен Амирликларда зал қурмаганман, у ерда ҳеч кимга ёрдам бермайман. У ерда бадавлат одамлар бор - улар менга ёрдам беришади, мен эса ўзимизникиларга ёрдам бераман. Унинг фамилияси Ян. Мен унинг устидан ҳазиллашишим мумкин - хитойлик қандай қилиб чеченни россиялик эмас деб айта олади? Шунинг учун озгина тегиб кетди, албатта. Мен ҳам бошқалар қатори Россия вакилиман. Шу ерда яшадим, катта бўлдим. Агар одамлар Чеченистонни Россия деб ҳисоблашса, мен россияликман.

Ҳозир баъзи болалар бизни бир-биримиздан ажратмоқчи бўлишади, лекин совет даврида ҳаммамиз ака-ука эдик, оталаримиз фашистларга қарши жанг қилишган. Ҳозир атрофда жуда кўп воқеалар содир бўлмоқда, шунинг учун бу пайтда биз йиғилишимиз ва бирга бўлишимиз керак. Рус, грузин, барча миллатга мансуб дўстларим бор. Шунинг учун биз бирга бўлишимиз, ҳамжиҳат бўлишимиз, агар ўзингни россиялик деб ҳисобласанг, ўз мамлакатинг учун биргаликда курашишимиз керак", - деди "Борз" Асланбек Бадаевга берган интервьюсида.