"Хантер" Ишимбаев: "Хамзатга тайёргарлик кўргандим, Қурбонов ҳам жиддий рақиб"

Ушбу тўқнашув Уфада бўлиб ўтадиган Prime FL турнирининг марказий воқеаси бўлади. Дастлаб Ишимбаевнинг рақиби "Маэстро" лақабли Хамзат Куриев бўлиши керак эди. Жангга бир ҳафтача қолганида жароҳат сабаб Хамзат сафдан чиқди. Ишимбаев рақиб алмашинувига бўлган муносабатини шундай билдирди.

"Хамзатнинг жангдан чиқиб кетиши мени деярли ажаблантирмади. Ҳозирги вазият шунақа... Ҳаммаси тез-тез ўзгариб турибди. Очиғини айтаман – бизнинг бўлажак қарама-қаршилигимиздан хурсанд эдим, чунки бу жанг янги долзарблик касб этаётганди. Икки услуб жиҳатидан кучли жангчи, жанг жуда қизғин ўтарди. Бу 100 фоиз. Қурбоновда мени биринчи навбатда унинг гавдаси ўйлантирди. Вазн ҳатто 84 кг эмас (бу вазн кўп жиҳатдан меники ҳам эмас), уники эса, чамаси, 93 кг дан юқори. Аммо барча ижобий ва салбий томонларини ўйлаб кўриб, рози бўлдим. Вақт кам, ярим йил жанг қилмадим, соғиниб қолдим. У билан эҳтиёткорроқ бўламан, оғир вазнли жангчининг зарбаларини ўзимда ҳис қилишни истамайман. Қолаверса, бу халқаро қарама-қаршилик. Бу ҳам яхши", — деди Ишимбаев.

Ишимбаев ғалаба қозонган тақдирда, қўлқопсиз жанглар тарихида илк бор икки вазн тоифасида чемпион бўлган спортчига айланади. "Хантер" айни дамда Prime FL лигасининг ярим ўрта вазн (77 кг гача) тоифасидаги чемпиони ҳисобланади.