17 фев 15:41
Янгиликлар

Олимпия ўйинлари

Ханю Олимпиада тарихидаги 1000-медални қўлга киритди

Япониялик спортчи Юдзуру Ханю бугун фигурали учиш бўйича Олимпиада чемпионига айланганди.

Ханю икки карра Олимпиада чемпиони бўлиш баробарида Қишки олимпия ўйинлари тарихидаги юбилей - 1000-олтин медални қўлга киритди. Биринчи Олимпиада олтин медали 1924 йилнинг 26 январь куни Франциянинг Шамони шаҳрида ўтган Қишки Олимпиадада ўз эгасига топширилганди.

Ўша тарихий олтин медалга америкалик конькида Чарльз Жотроу 500 м масофага конькида югуриш баҳсларида эга чиққан эди. Шамони-1924 Олимпиадасида 16та, Пхёнчхан-2018да эса 102та медаллар жамланмаси ўйналяпти.

Шу кунгача 36та давлат спортчилари томонидан Қишки олимпия ўйинларининг олтин медаллари қўлга киритилган. Энг кўп - 124та олтин медалга Норвегия терма жамоаси спортчилари эга бўлишган.