Хавьер Мендес: Конор бошқариб бўлмайдиган даражада аҳмоқ

«Бундай изоҳдан кейин Конор кимга ёқиши керак? Кўпчилик коронавирус туфайли оиласини, бизнесини ва бошқа кўплаб нарсаларини йўқотди. Сен келиб-келиб айнан шуларнинг устидан куласанми? Ёки ҳазиллашаяпсанми? Ҳар қандай ҳолатда ҳам сен аҳмоқсан! Бу одамларнинг юрагига ҳанжар санчишга ўхшайди. Конор - бошқариб бўлмайдиган даражада аҳмоқ», - дея Мендеснинг сўзларини келтиради Sportskee.

Эслатиб ўтамиз, америкалик Дастин Порье Макгрегор устидан ғалаба қозонганидан сўнг, Нурмагомедов шундай ёзган эди: «Яхшилик ҳар доим ёвузлик устидан ғалаба қозонади». Айнан шу сўзлар Макгрегорга тегиб кетган ва дарҳол бунга жавоб қайтарган эди.

«Демак, коронавирус яхши, отаси ёмонми?» – дея изоҳ ёзганди ўшанда Макгрегор.