12 ноя 10:37
Янгиликлар

Формула-1

Хэмилтон - Бразилия Гран-приси ғолиби!

Сан-Паулу шаҳрида “Формула-1” чемпионати доирасидаги Бразилия Гран-приси бўлиб ўтди.

Интерлагос автодромида ўтган мусобақада “Мерседес” жамоаси пилоти Льюис Хэмилтон зафар қучди. Бунга Макс Ферстаппен болидининг пойга давомида айланиб кетгани ҳам ёрдам бериб юборди. Бунинг натижасида Хэмилтон Максдан ўзиб кетди ва охиригача пешқадамликни бермади.

Бразилия Гран-Присидаги муваффақият Хэмилтон учун жорий мавсумдаги ўнинчи, фаолиятидаги 72-титул бўлди. Макс Ферстаппен 5 сония фарқ билан маррага иккинчи бўлиб етиб келди. Кими Райкконен кучли учликка якун ясади.

Mercedes жамоаси худди Хэмилтон сингари муддатидан аввал қаторасига бешинчи бор Конструкторлар кубогини қўлга киритди. Мавсумнинг якуний Гран-При турнири икки ҳафтадан сўнг БААнинг Абу-Даби шаҳрида бўлиб ўтади.