Хэмилтон ва Боттас 100 та Гран-прини бирга ўтказган иккинчи пойгачилар жуфтлиги!

Боттас 2017 йилда "Мерседес"га ўтган ва Абу-Даби Гран-присида Германия жамоасидаги ўзининг 101, Хэмилтон билан эса 100-пойгасини ўтказди. (Льюис 2020 йилги Сахир Гран-присида Жорж Рассел билан алмаштирилган). Бу вақт ичида жамоадошлар бешта Конструкторлар кубогини қўлга киритди, Хэмилтон тўртта шахсий унвонга эга чиқди. 2022 йилги мавсумдан бошлаб Валттери "Альфа Ромео" шарафини ҳимоя қилади.

Валттери Боттас: “Хэмилтон ва мен "F-1" тарихидаги энг муваффақиятли пойгачи жуфтликмиз".

Ушбу кўрсаткич бўйича рекорд 2000 йилдан 2005 йилгача 104 та пойгани биргаликда ўтказган Михаэль Шумахер ва Рубенс Баррикеллога тегишли. Шунингдек, пешқадамлар қаторида "Макларен"да Мика Хаккинен ва Дэвид Култхард (99 Гран-при), "Ред Булл"да Себастьян Феттель ва Марк Уэббер (94), "Феррари"да Феттель ва Кими Райкконен (81) бор.