Хирн: Бокс - Бундеслига эмас, бу ерда барчаси бошқача

"Мен студияларда жанг ташкил қилиб, боксдаги пулларни йўқотишни истамайман. У ерда биз мухлисларга керакли сифатни етказиб бера олмаймиз. Лекин менинг машғулот лагеримни кўрсангиз, ваъда бераманки, биз суткада 24 соат эфирда бўламиз. Хабарлар ўша ернинг ўзидан узатилади, Sky Sports жонли эфирлар намойиш этади, матбуот анжуманлари бўлади. Боксчилар албатта коронавирус учун тест топширишади ва таҳлил натижалари эълон қилинади. Ҳафта давомида бу ерда драма содир бўлади. 

Гап бошқа промоутерлар билан эмас, бошқа спорт турлари билан рақобат ҳақида. Ҳар бир спорт турида ҳозир рақобат бор. Мен мухлислар ва ҳомийлар боксни кўриб, "Қаранг, боксни ёпиқ эшиклар ортида ҳақиқатдан ҳам ўтказса бўлар экан" дейишларини истайман. 

UFC бизга мухлисларсиз залда қандай бўлишини кўрсатиб берди. Бу сизга биз кеча кўрган Бундеслига эмас. У ерда барчаси ғалати кўринди, шундай эмасми? Боксда бошқача бўлади. Сиз зарбаларни, бурчакларда бўладиган гап-сўзларни эшитиб турасиз. Ижобий томонларни топиб, кўрсата билиш лозим", - деди Хирн.