24 апр 13:12
Янгиликлар

Бокс/ММА

Хирн жамоасига қўшилган Энниснинг навбатдаги рақиби маълум бўлди. У Қудратилло Абдуқаҳҳоровнинг собиқ рақиби билан жанг қилади

Аввалроқ, ярим ўрта вазн тоифасида америкалик профессионал боксчи Жейрон Эннис (31-0-0) Эдди Хирннинг Matchroom Boxing промоутерлик компаниясига қўшилгани ҳақида хабар берган эдик.

Кўп вақт ўтмасдан, Энниснинг янги рақиби эълон қилинди.

Жейрон Matrchoom билан ҳамкорликдаги илк жангини канадалик боксчи Коди Кроулига (22-0-0) қарши ўтказади. Жанг санаси ва манзили тез орада расман эълон қилиниши айтилган.

Маълумот учун, Кроули 2021 йил 11 декабрь куни ҳамюртимиз Қудратилло Абдуқаҳҳоров билан жанг қилиб, ҳакамлар қарорига кўра ғалаба қозонган эди. Бу боксчимизнинг проф рингдаги 18 та ғалабасидан кейинги илк мағлубияти бўлганди.

Илгарироқ, Эдди Хирннинг Жейрон Эннис ва Теренс Кроуфорд эҳтимолий жанги ҳақида айтган фикрларини маълум қилган эдик.