Хирн: "Жошуа тайёргарликни бошлаганидан сўнг, мураббийлари номини эълон қилади"

Таниқли промоутер Эдди Хирн, супер оғир вазнда собиқ жаҳон чемпиони Энтони Жошуа ўз мураббийлар штабини янгилаётгани, буни тез орада эълон қилишини айтди.

"Жошуа тез орада мураббийлари билан боғлиқ янгиликни эълон қилади. Бу январь ойининг охирида юз беради. Жошуа барчасини тўғри қилиш учун ҳаракат қилмоқда. Кўпчилик мураббийни ўзгартириш катта таваккал эмасми демоқда. Мен бошқача савол бераман: "Ўз жамоанг ва атрофингдаги инсонлар билан ўзингни ноқулай ҳис қилишинг таваккал эмасми? Жошуа тайёргарликни бошлаганидан сўнг, мураббийлари номини эълон қилади.

Жошуа ўзининг ҳаваскор боксдан бери устози бўлган мураббий Роберт Маккрекен билан ҳар доим яхши алоқада бўлган. Янги мураббийлар билан унинг жамоаси ҳам кенгаяди. Ҳозир алоқалар қандайлигини аниқ билмайман. Буни Жошуанинг ўзи айтиб бергани маъқул", -дейди Эдди Хирн.