Хирн: «Жошуа Усик билан реванш жанги олдидан катта таваккал қилади»

Промоутернинг сўзларига кўра, Жошуа ўз мураббийи Роб Маккрекенни шахсан ўзи қарор ҳақида маълум қилган:

«Улар ҳаммасини муҳокама қилиб бўлишган. Жошуа эса янги мураббий қўл остида ишлашни очиқчасига эълон қилди. Роб жамоада қоладими? Ўйлайманки, Энтони бу саволга яқин ҳафталарда жавоб беради»

Хирн Жошуанинг қарорини таваккал деб ҳисоблайди, аммо у ўз жангчисини тўлиқ қўллаб-қувватлайди: 

«Янги мураббий? Ҳа, бу жуда катта хавф. Аммо агар боксчи ўзгартириш кераклигини ҳис қилса, ҳамма нарсани аввалгидек қолдириш янада хавфлироқ. Менимча, агар Энтони нимадир нотўғри эканлигини ҳис қилсаю, лекин ҳеч қандай ўзгаришлар қилмаса, биз реванш олишга рози бўлмаслигимиз керак. Мен унинг фаоллигини яхши кўраман. Ва унинг ижобий муносабатидан хурсандман. Шундай экан, у қандай қарор қабул қилса ҳам, бу унга фойда келтиришига шубҳам йўқ».