Хоккей бўйича ўсмирлар ўртасидаги мусобақа старт олди + ВИДЕО

Баҳсларда "Ҳумо-1", "Ҳумо-2" "Ҳумо-3", "Ҳумо-4", "Семурғ-1", "Семурғ-2", "Бинокор-1, "Бинокор-2", "Буран", "Рысь", "Волна", "Рубин", "Сокол", "Орлы", "Звезда" ҳамда "Тигры" жамоалари иштирок этишмоқда. 

Эътиборлиси, мусобақанинг очилиш маросимида боксимиз юлдузлари - терма жамоамиз мураббийи Тўлқин Қиличев, жаҳон чемпиони Баҳодир Жалолов ва проф рингда муваффақиятли одимлаётган Исроил Мадримов ҳам иштирок этди. Улар чемпионатнинг илк рамзий шайбасини ташлаб беришди. 

Қайд этиш лозимки, чемпионатнинг илк тарихий голига "Звезда" жамоаси вакили Салоҳиддин Азимов муаллифлик қилди. Яна бир қизиқ жиҳати, мазкур жамоа таркибида бокс бўйича терма жамоамиз катта мураббийи Тўлқин Қиличевнинг фарзанди Бобур Маҳмуров ҳам музга чиқди.