Хоккей. "Ҳумо"нинг бугунги рақиби, КХЛнинг собиқ жамоаси "Югра" ҳақида нималар биламиз?

Шу муносабат билан клуб матбуот хизмати рақиб жамоа ҳақидаги маълумотларни тақдим этди. Olamsport.com сайти ушбу маълумотларни ўзбек тилига таржимасини тақдим этади. 

Жамоа 2006 йилда ташкил топган. 2006/2007 йилги мавсумда Россия чемпионатининг II дивизионида иштирок этган ва профессионал статусга эга бўлган. 2007/2008 йилги мавсумда I дивизионда қатнашган. 2008/2009 ва 2009/2010 йилларда Олий лига чемпиони бўлган ва "Братина кубоги"да кетма-кет икки маротаба ғалаба қозонган Россияниинг дастлабки жамоасига айланди. ("Югра"нинг муваффақиятини орадан икки йил ўтиб "Торос" такрорлайди"). 

Клуб 2009 йилда ўз бағрига 5500 томошабинни сиғдира оладиган "Югра Арена"га кўчиб ўтган. 

2010 йилда жамоа КХЛга йўлланма олади ва Гагарин Кубогининг плей-оффида иштирок этади. "Югра" мунтазам чемпионатни ўшанда 87 очко билан ўнинчи ўринда тугатган (шарқий конференцияда бешинчи ўрин). Чорак финалда 6 та ўйинда Магнитогорскнинг "Металлург" жамоасига ютқазган (2:4). 

2019/2020 йилги мавсумда "Югра" 10 та ўйиндан сўнг умумий жадвалда 18 очко билан олтинчи ўринни эгаллаб турибди. Жамоа тўпурари айни пайтда Кирилл Пилипенко ҳисобланади (#13). Унинг ҳисобида 10 та ўйиндан сўнг 13 очко бор - 8 та гол, 5 та голли узатма. 

Бош мураббий: Вадим Сергеевич Епанчинцев.

«Югра» Ханти-Мансийск

Асос солинган йили: 2006

Натижалари: 

Олий лига чемпиони (2008/09, 2009/10)

Биринчи лига чемпиони (2007/08)

Иккинчи лига чемпиони (2006/07)

Бошқирдистон Республикаси Кубоги соҳиби (2011)

Блинов хотира турнири финалчиси (2012)

Эслатиб ўтамиз, "Ҳумо" - "Югра" ўйини бугун "Ҳумо Арена"да соат 17:00да старт олади. 

Учрашувга ташриф буюринг ва жамоамизни қўллаб-қувватланг! Ўйин учун чипталарни "Ҳумо Арена" кассаларидан сотиб олишингиз мумкин.