ХОҚ Жазоир ва Хитой Тайпейи номидан қатнашаётган "эркак" боксчилар борасида баёнот берди

Ҳар икки боксчи ҳам 2023 йилги жаҳон чемпионати вақтида гендер тестдан ўта олмаганди. Бироқ якунда барибир Олимпиадада иштирок этмоқда. 

"Тестестерон идеал тест ҳисобланмайди. Кўплаб аёллар юқори тестестеронга эга бўлишлари мумкин, уларни ҳам "эркак" деб атаса бўлади. Улар ҳам аёл ва бошқа аёллар билан рақобатлашишмоқда

Биз жинсни аниқлайдиган вақтларга қайтишимиз керак эмас. Бу биз юришимиз керак бўлган йўл эмас", - деди Адамс. 

Маълумот учун, уларнинг ҳар иккиси ҳақиқатдан ҳам аёл боксчи ҳисобланади. Уларда тестестерон моддаси юқори бўлгани сабабли 2023 йилги ЖЧдан четлатилганди. Бироқ, IBAни тан олмайдиган Халқаро Олимпия қўмитаси уларни аёллар ўртасидаги баҳсларда қатнашишига рухсат берди.

Бироздан сўнг ҳамюртимиз Ситора Турдибекова айнан Хитой Тайпейи вакиласига қарши жанг қилади.