Осиё Олимпия кенгаши ХОҚнинг россиялик спортчилар тўғрисидаги қарорига муносабат билдирди

Ўзбекистон Миллий Олимпия қўмитаси раисининг биринчи ўринбосари Отабек Умаров фаолият юритувчи Осиё Олимпия кенгаши бу қарорга қуйидагича муносабат билдирди:

"Осиё Олимпия Кенгаши (OCA) Осиё олимпия ҳаракати номидан Халқаро Олимпия Қўмитаси (IOC) Ижроия қўмитасининг россиялик спортчилар ва жамоаларнинг халқаро мусобақаларда иштирок этишига оид аввал тавсия этилган чекловларни қўлламаслик ҳақидаги қарорини мамнуният билан қарши олди.

ОСА ХОҚнинг спортчиларнинг халқаро мусобақаларда иштирок этиши улар мансуб давлатлардаги урушлар ёки можаролар сабаб чекланмаслиги керак, деган қарашини қўллаб-қувватлайди.

Шунингдек, ОСА ХОҚнинг спорт орқали тинчликни тарғиб қилишга қаратилган саъй-ҳаракатларини тўлиқ қўллаб-қувватлайди ҳамда дунё бўйлаб содир бўлаётган урушлар, қуролли можаролар ва зўравонликларни қоралайди.

Спорт умид рамзи бўлиб хизмат қилиши, халқлар ва миллатларни бирлаштириши лозим. Бу яқинда Хитойнинг Санья шаҳрида бўлиб ўтган Осиё соҳил ўйинлари – 2026 мусобақасида яна бир бор ўз исботини топди. Унда Осиёнинг барча 45 та Миллий олимпия қўмитаси спортчилари Осиёда ва дунёда кескинлик ҳамда можаролар давом этаётган бир пайтда тинчлик ва дўстлик руҳида бир майдонда жам бўлиб, ўзаро рақобатлашди", дейилади ташкилот баёнотида.