ХОҚ МХЛ билан 2022 йилги ўйинларда ҳамкорлик қилишга тайёр

Миллий Хоккей Лигаси (МХЛ) комиссари ўринбосари Билл Дэйлининг таъкидлашича, Халқаро Олимпия қўмитаси (ХОҚ) 2022 йилги қишки Олимпия ўйинларида иштирок этадиган хоккейчилар масаласида лига билан ҳамкорлик қилишга тайёр.

«Учрашув бир неча ой олдин ўтган эди ва жуда аъло даражада бўлди, айниқса, ХОҚ МХЛ хоккейчиларининг Олимпия ўйинларида иштирок этишини таъминлаш юзасидан ҳамкорликнинг бошқа жиҳатлари бўйича ҳам ишлашга тайёр эканлигини билдириб ўтди. Aммо ҳеч қандай қарор қабул қилинмади», дея Дэйли сўзларидан иқтибос келтиради ТAСС.

МХЛ ўз хоккейчиларини 1998, 2002, 2006, 2010 ва 2014 йиллардаги Олимпия ўйинларида иштирок этишига рухсат берган эди, аммо 2018 йилда ушбу амалиётдан воз кечилган.