Хоразмда «Спорт ҳафталиги» давом этади

Мазкур ҳафталик доирасида бугун Гурлан, Қўшкўпир туманлари ҳамда Хива шаҳрида тош кўтариш ва арқон тортиш каби спорт турлари бўйича «Миллий спорт ўйинлари» фестивали ҳамда веломарафон мусобақалари ташкил қилинди.

Гурлан туманида ташкил этилган веломарафонда ўсмирлар ва ёшлар, арқон тортиш беллашувларида эса маҳаллалардаги банд бўлмаган ёшлар ўзаро беллашган бўлса, Қўшкўпир туманида ўтказилган тош кўтариш мусобақасида корхона-ташкилотлар ҳамда маҳаллаларда истиқомат қилувчи хотин-қизлар Тўмарисга хос шижоат билан беллашдилар.

Хоразм вилояти бўйлаб ташкил этилаётган «Спорт ҳафталиги» доирасида аҳолининг барча қатламларини оммавий спортга кенг жалб қилиш кўзда тутилган.