14 авг 20:16
Янгиликлар

Кураш

Хоразмлик ёш белбоғли курашчилар онлайн тарзда баҳс юритишди

Мамлакатимизда коронавирус пандемияси пайтида спортчиларнинг бўш вақтини мазмунли ўтказиш, уларнинг машғулотлар жараёни ва жисмоний ҳолатини назорат қилиб бориш мақсадида онлайн тарзда мусобақалар ўтказиш йўлга қўйилган.

Ана шундай мусобақалардан бири Хоразм вилояти белбоғли кураш федерацияси томонидан уюштирилди. Онлайн равишда ташкил этилган вилоят биринчилигида 2006-2007 йилда туғилган ёш белбоғли курашчилар 30 сония ичида ерга таянган ҳолда ётиб-туриш(“отжимание”) машқини энг кўп бажариш бўйича ўзаро беллашишди.

Якуний сарҳисобларга кўра, биринчи ўринни Мардонбек Пўлатов қўлга киритди. Саидали Полвонов иккинчи ўринни эгаллаган бўлса, Муҳаммадшариф Жумабоев ва Муҳаммаджон Тожибоевга учинчи ўрин насиб этди.

Ғолиб ва совриндор спортчилар Хоразм вилояти белбоғли кураш федерациясининг тегишли даражадаги дипломи ва бадиий адабиётлар билан тақдирланишди.