Хорхе Масвидал Жастин Гэтжини "синдириш"га ваъда берди

Масвидал Нейт Диасга қарши кечган жангда ушбу махсус камарни қўлга киритганди.

"Камарни ютиб олган пайтимда, Дана менга бу камар битта жанг учун тайёрланган ва уни ҳимоя қилишинг шарт эмас деганди. Бошқа бу ҳақда гап бўлмаган эди. Лекин кейин бу камар учун жанг тайинланди. Жастин яхши, унга ҳеч қандай адоватим йўқ. Бу камарни қўлга киритиш учун у ҳақиқий "киллер" Дастин Порьедан устун келди. Агар сиз мени Жастинга қарши қўйсангиз, ишонинг мен унинг суякларини синдириб, бўлакларга бўлиб ташлайман. Ишончим комил, бу ходиса бир кун амалга ошади", - деди Масвидаль.

Эслатиб ўтамиз, ўтган йилнинг апрель ойида Хорхе Масвидал очколар ҳисобига кўра Гилберт Бернсга ютқазиб қўйганди. Бу унинг кетма-кет қабул қилиб олган тўртинчи мағлубияти эди. Ўша жангдан кейин у фаолиятини якунлаганини эълон қилганди. Жастин Гэтжи эса 13 апрель куни Лас-Вегасда ўтказиладиган UFC 300 турнирида BMF камарини Макс Холлоуэйдан ҳимоя қилади.