02 июл 12:06
Янгиликлар

Бокс/ММА

Хотамбек Бойназаровнинг навбатдаги рақиби ва жанг санаси эълон қилинди. Рақиб собиқ чемпион + ФОТО

Теглар : UAE Warriors Хотамбек Бойназаров

Яримўрта вазн тоифасида ўзбекистонлик аралаш яккакураш устаси Хотамбек Бойназаровнинг навбатдаги жанги тафсилотлари маълум бўлди.

Ҳамюртимиз 27 июль куни бўлиб ўтадиган UAE Warriors турнири доирасида октагонга қайтади.

Бойназаровга ўша куни GFC лигаси собиқ чемпиони, Грузия вакили Гиорги Эгнаташвили рақиблик қилади. Бу ҳақда унинг мураббийи Ҳусан Мажлимов хабар бермоқда.

Маълумот учун, Хотамбек ҳозиргача саккизта жанг ўтказиб, уларнинг барчасида ғалаба қозонган. Сўнгги жангини 2023 йил 26 август куни Микаил Байрамга қарши ўтказиб, нокаут орқали ғалаба қозонган. Шундан сўнг, Бойназаровнинг учта жанги турли сабаблар билан бекор қилинган эди.

Унинг рақиби Гиорги Эгнаташвили эса ҳозиргача тўққизта жангда қатнашган ва саккизта ғалаба, битта мағлубият қайд этган.