Хуберт Гуркач Марсель турнири финалига чиқа олмади

Мусобақанинг 1/2 финалида дунёнинг саккизинчи ракеткаси Хуберт Гуркач мағлубиятга учради. Польшалик теннисчи ATP рейтингида 21-ўринни эгаллаб турган франциялик Уго Умберга 4/6, 4/6 ҳисобларида имкониятни бой бериб қўйди. 

Гуркач ўзаро учрашувларда илк бор Умберга ютқазди - 1:3. Саксон уч дақиқа давом этган баҳсда Хуберт 9, Уго 7 та эйс зарбасини амалга оширган. Бугун Умбер ватандошлари кўз ўнгида бош соврин учун кечадиган финал учрашувида болгариялик Григор Димитровга қарши кортга чиқади.