05 авг 07:55
Янгиликлар

Шахмат

"Худо хоҳласа қайтишади". Алишер Саъдуллаев АҚШга кетган Гулруҳбегим ҳақида гапирди

Айни пайтда АҚШ терма жамоаси шарафини ҳимоя қилаётган шахматчимиз Гулруҳбегим Тоҳиржонова Ўзбекистонга қайтиши мумкин.

Бу ҳақида Ўзбекистон шахмат федерацияси раиси Алишер Саъдуллаев Твиттердаги саҳифасида маълум қилди.

"Шахмат ривожи учун яна бир тарихий қарорга имзо чекилди. Батафсил кейинроқ)", дея твит қолдирган Саъдуллаев.

Ўз навбатида фойдаланувчилардан бири унга "Америкадаги опа-сингилларни қайтаринглар" дея Гулруҳбегим Тоҳиржонова ҳақида ёзган. Шахмат федерацияси раиси эса ушбу твитга "Худо хоҳласа қайтишади" дея жавоб қайтарган.

Эслатиб ўтамиз, айни пайтда Ҳиндистонда Шахмат Олимпиадаси ўтказилмоқда ва унда Гулруҳбегим Тоҳиржонова АҚШ шарафини ҳимоя қиляпти.