05 дек 08:05
Янгиликлар

Бокс/ММА

Хуршид Тожибоевнинг рақиби ва жанг санаси маълум + ПОСТЕР

Профессионал боксда мағлубиятсиз одимлаётган чарм қўлқоп устамиз Хуршид Тожибоев бир ҳафтадан сўнг рингга кўтарилади.

Ҳамюртимиз 11 декабрь куни Қозоғистоннинг Алмати шаҳрида ташкил этиладиган бокс оқшомида россиялик Павел Маликовга қарши саккиз раундлик жанг ўтказади. Маликов проф рингда 16 ғалаба, 4 мағлубият ва бир дуранг қайд этган. Ҳисобида 6 та нокаутли ғалаба бор.

Хуршид Тожибоев эса 5 та жангнинг барчасида зафар қучган. Рақибларини уч бор муддатидан аввал мағлубиятга учратган. Боксчимиз сўнгги жангини 20 август куни Дубай шаҳрида грузиялик Ачико Одикадзега қарши ўтказиб, рақибини бешинчи раундда техник нокаутга учатган эди.