Хуслер Софияда фаолиятидаги илк совринга эга чиқди

Бироз кутилмаганда бош соврин дунёнинг 95-ракеткаси Марк-Андреа Хуслерга насиб этди. Швейцариялик теннисчи 101 дақиқа давом этган финал учрашувида ATP рейтингида 31-ўринни эгаллаб турган даниялик Хольгер Рунени 6/4, 7/6(8) ҳисобида мағлубиятга учратди.

Андреа ўзаро учрашувлардаги ҳисобни 2:0 кўринишига келтирди. Хуслер баҳс давомида 7, Руне эса 11 та эйс зарбасини амалга оширган. Бу унинг фаолиятидаги илк соврин эди. Хуслер 250 рейтинг очкоси ва 81,310 евро мукофот пулига ҳам эга бўлди. Руне эса 150 балл ва 47,430 еврога эга бўлди.