Ямаль яна бир совринга эга чиқди

"Барселона" ва Испания терма жамоаси вингери Ламин Ямаль Испания футболчилари ассоциацияси (AFE) талқинига кўра 2025/2026 йилги мавсумда Ла Лиганинг энг яхши ўйинчиси деб топилди.

Мукофот Испания футболининг турли даражаларидаги энг яхши ўйинчиларга топширилади. Ғолиблар бошқа футболчиларнинг овоз бериши орқали аниқланади.

Ўтган мавсумда 19 ёшли Ямаль Испания Примерасида 28 та ўйин ўтказиб, 16 та гол ва 12 та голли узатмага муаллифлик қилди. Ламин 2023 йилдан бери "кўк-анорранглилар"нинг асосий жамоасида тўп суриб келмоқда.

Вингернинг клуб билан амалдаги шартномаси 2031 йилнинг 30 июнига қадар мўлжалланган. Transfermarkt порталида келтирилган маълумотларга кўра, футболчининг бозор қиймати 220 млн еврони ташкил этади.