Яна бир ўзбекистонлик ММА жангчиси Тошкентда чемпионлик камари учун жанг қилади + ПОСТЕР

Аввалроқ, мусобақанинг марказий жангида оғир вазн тоифасида ўзбекистонлик Азамат Нуфтиллаев чемпионлик камари учун бразилиялик Эдиван Сантосга қарши октагонга чиқиши ҳақида хабар берган эдик.

Маълум бўлишича, яна бир ҳамюртимиз - супер оғир вазнли Қодирхон Ғаниев ҳам титул учун жанг қилади. Унга россиялик Олег Кубанов рақиблик қилади.

Қодирхон Ғаниев фаолияти давомида 14 та жанг ўтказиб, уларнинг 9 тасида ғалаба қозонган ва 5 та жангда рақиблари ундан устун келган. Олег Кубанов эса проф фаолиятида 17 та жанг ўтказиб, уларнинг 9 тасида зафар қучган, қолган 8 та жангда эса рақибларига имкониятни бой берган.