07 сен 12:47
Янгиликлар

Футбол

Яна бир ТОП ҳужумчи фаолиятини Саудияда давом эттиришга умид қилмоқда

Саудия Арабистони ҳужумчи Ришарлисон учун "Тоттенхэм"ни тарк этишнинг ягона реал имконияти бўлиб қолмоқда.

Ёзги трансфер ойнаси ёпилишидан сал аввал "Тоттенхэм" бош мураббийи Роберто Де Дзерби Ришарлисон клубдан кетиш истагини билдирганини маълум қилган эди.

Ришарлисон "Эвертон"га қайтиш бўйича келиша олмади, шунингдек, Туркиянинг "Трабзонспор" клуби билан ҳам трансфер амалга ошмади — у ерда трансфер ойнаси жума куни оқшомда ёпилди.

Evening Standard нашрининг таъкидлашича, энди Ришарлисонда Саудия Арабистонидан бошқа муқобил вариантлар деярли қолмади. У ерда трансфер ойнаси 12 октябргача очиқ бўлади ва 29 ёшли бразилиялик футболчига маҳаллий клублардан бири таклиф билан чиқишига умид қилишдан бошқа чора қолмаяпти.

Қўшимча қилиш жоизки, Ришарлисон "Тоттенхэм"нинг 2026/27 йилги Премьер-лига мавсуми учун қайдномасига киритилмаган.