Яна иккита жамоа футзал бўйича Осиё чемпионатига йўл олди

Ғарбий минтақада саралаш ўйинларининг гуруҳ босқичи ўз ниҳоясига етди. Қувайт ва Ливан терма жамоаларининг Осиё чемпионатига йўл олгани ҳақида хабар бергандик. Кеча бўлиб ўтган сўнгги тур учрашувларидан сўнг бахтли яна икки жамоа номи маълум бўлди. 

Шундай қилиб Баҳрайн ва Саудия Арабистони терма жамоалари ҳам навбатдаги Осиё чемпионатида иштирок этади. Туркманистонда бўлиб ўтадиган навбатдаги Осиё чемпионатида 16та жамоа иштирок этади ва якунда кучли бешликдан жой олган жамоалар 12 сентябрь - 4 октябрь кунлари Литвада бўлиб ўтадиган жаҳон чемпионатига йўлланма олишади. 

ОФК Ғарбий минтақа саралаш ўйинлари учун 5та йўлланма ажратган. Эртага ўз гуруҳларида учинчи ўринни эгаллаган БАА ва Уммон терма жамоалари ўзаро баҳс олиб боради. Мазкур жуфтлик ғолиби ҳам қитъа биринчилигига йўлланма олади.