Янгиланган WTA рейтингида Ўзбекистоннинг биринчи ракеткаси ўзгаришига бир баҳя қолди

Икки ҳафталик Уимблдон турнири якунлари асносида тузиб чиқилган янгиланган рейтингда теннисчиларимизнинг уч нафари юқорилашга муваффақ бўлди. Иккинчи ракеткамиз Мария Тимофеева 16 поғонага кўтарилиб, 79-ўринга жойлашди. Биринчи рақамли теннис маликамиз Камилла Раҳимова эса 8 поғонага пастлаб, 78-ўринга тушиб қолди. Бу билан биринчи ва иккинчи ракеткаларимизни бир поғона ажратиб турибди. Уларнинг бугунги ҳафтадаги иштирокидан сўнг Ўзбекистоннинг биринчи ракеткаси ўзгариши мумкин. 

Учинчи ракеткамиз Полина Кудерметова 4, тўртинчи рақамли теннисчимиз Лайма Владсон 57 ўринга юқорилади. Қолган теннисчи-қизларимиз рейтингда пастлашди. Севиль Юлдашева 4, Милана Масленкова 77, Влада Якшибарова 5 поғонага пастлади. 

Дунё теннисчиларининг Топ-10`талигида ҳам бир нечта ўзгариш кузатилди. Уимблдон-2026 ғолибаси чехиялик Линда Носкова 12-поғонадан 7-ўринга кўтарилиб олди. Финалда айнан ватандошига ютқазган Каролина Мухова 9-поғонадан 6-ўринга юқорилади. Америкалик Кори Гауфф 3 ўринга кўтарилган бўлса, польшалик Ига Свёнтек аксинча, 3-ўриндан 8-поғонага тушиб кетди. Аманда Анисимова 3, Элина Свитолина 2 ўрин йўқотди.   

Беларуслик Арина Соболенко ҳамон рейтинг пешқадами бўлиб турибди. Иккинчи ўриндан жой олган қозоғистонлик Елена Рибакина деярли карвонбошига етиб олди. Бир поғонага юқорилаган америкалик Жессика Пегула дунёнинг учинчи ракеткасига айланди. 

WTA рейтинги. 13 июль кунги ҳолат:

1 (1). Арина Соболенко (Беларусь) — 8550;

2 (2). Елена Рибакина (Қозоғистон) — 8143;

3 (4). Жессика Пегула (АҚШ) — 6301;

4 (7). Кори Гауфф (АҚШ) — 5649;

5 (5). Мирра Андреева (Россия) — 5293;

6 (9). Каролина Мухова (Чехия) — 5168;

7 (12). Линда Носкова (Чехия) — 5119;

8 (3). Ига Свёнтек (Польша) — 4539;

9 (6). Аманда Анисимова (АҚШ) — 4353;

10 (8). Элина Свитолина (Украина) — 4351…

Ўзбекистонлик теннисчиларнинг WTA рейтингидаги ўрни:

78 (70). Камилла Раҳимова – 906

79 (95). Мария Тимофеева – 897

109 (113). Полина Кудерметова – 708

793 (850). Лайма Владсон – 43

979 (975). Севиль Юлдашева – 24

1179 (1102). Милана Масленкова – 12 

1212 (1207). Влада Якшибарова – 11