Ярим финал. Бугун "Ҳумо" "Бейбарис"га қарши илк сафар ўйинини ўтказади

Аввал хабар берганимиздек, "Ҳумо" жамоаси 12 март куни Қозоғистон Очиқ чемпионати плей-оффининг ярим финал босқичи доирасида "Бейбарис"га қарши иккинчи ўйинда музга чиқиб, 3:1 ҳисобида ғолиб бўлган эди. Ушбу ғалаба орқали жамоамиз сериядаги ҳисобни 1:1 га етказган эди.

Бугун жамоамиз "Бейбарис"га қарши биринчи сафар ўйинини ўтказади. Мазкур учрашув соат 19:00 да, Атирау шаҳрида жойлашган "Хиуаз Доспанов" аренасида бошланади.

Кеча шунингдек, ярим финалдан ўрин олган бошқа бир учрашув "Номад" - "Сариарка" учинчи ўйини ўтказилиб, 7:2 ҳисобида "Номад" ғалаба қозонган эди. Мазкур жамоалар ўртасидаги ўйинлар сериясида ҳисоб ҳозирча 2:1.

"Ҳумо"нинг бугунги учрашуви YouTube платформасидаги InSportTV канали орқали трансляция қилинади.