08 апр 12:21
Янгиликлар

Дзюдо

Ярим финалда "ўзбек дербиси": Тўрабоев - Ҳуррамов

-100 кг вазн тоифасидаги беллашувларда иштирок этаётган иккинчи дзюдочимиз Музаффарбек Тўрабоев ҳам Осиё-Океания чемпионатининг ярим финалига йўл олди.

Истеъдодли дзюдочимиз аввалига туркманистонлик Яшюзак Ашировни 27 сонияда мағлубиятга учратганди. Бироз аввал у бир дақиқадан сал кўпроқ давом этган беллашувда австралиялик Кайхан Озчичек-Такагини ҳам иппон баҳоси билан таслим этди.

Эътиборга молик жиҳати шундаки, ярим финалда икки ўзбекистонлик дзюдочи татамида ўзаро тўқнаш келади. Тўрабоев нисбатан тажрибалироқ бўлган Муҳаммадкарим Ҳуррамовга қарши баҳс олиб боради. Ҳар қандай ҳолатда ҳам финалда Ўзбекистон вакили бўлади.