11 янв 21:49
Янгиликлар

Спорт курашлари

Yasar Dogu-2020. Эркин курашчиларимизда олтин, кумуш ва бронза (+ФОТО)

Хабар бериб ўтганимиздек, Туркиянинг Истанбул шаҳрида эркин кураш бўйича "Yasar Dogu-2020" анъанавий халқаро турнири бўлиб ўтмоқда.

Аввалроқ мусобақада уч нафар ҳамюртимиз медаль учун жанг қилиши ҳақида хабар қилгандик.

Мусобақада -70 кг вазн тоифасида юртимиз шарафини ҳимоя қилган Иляс Бекбулатов финалда мезбон спортчи Хайдар Явузни мағлуб этди ва олтин медалга сазовор бўлди. -57 кг вазнли Ғуломжон Абдуллаев эса ҳал қилувчи жангда болгариялик Георгий Вангеловга имкониятни бой берди ва кумуш медаль билан кифояланди. -97 кг вазн тоифасида эса Магомед Ибрагимов бронза медали соҳибига айланди.

Энди эртага -125 кг вазнли ҳамюртимиз Ҳасанбой Раҳимов бронза медали учун жанг қилади. Эслатиб ўтамиз, Ҳасанбой ўтган йили жаҳон чемпионатида Токио Олимпиадаси йўлланмасини қўлга киритганди.