Яшнободда бел олиш ва уч кураш бўйича Ўзбекистон чемпионати бошланди + ФОТО

Ўзбекистон Республикаси Жисмоний тарбия ва спорт вазирлиги ҳамда Ўзбекистон Бел олиш ва уч кураш ассоциациясининг йиллик-тақвим режасидан ўрин олган мамлакат чемпионатида Қорақалпоғистон Республикаси, Тошкент шаҳри ва барча вилоятлардан 500 нафардан зиёд спортчилар ғолиблик учун кураш тушишмоқда.

БЎСМнинг байрамона безатилган спорт залида дастлаб, мусобақанинг тантанали очилиш маросими ташкил этилди.

Маросимда сўз олган Ўзбекистон бел олиш ва уч кураш ассоциацияси бош котиби Носир Азизов спортчиларни қутлаб, чемпионат иштирокчиларига муваффақият тилади. Очилиш маросими якунига етгач, беллашувларга старт берилди.

Мусобақа регламентига мувофиқ, бугун 2004-2005 йилларда туғилган ўғил-қизлар ва катталар бел олиш кураши бўйича ўз вазн тоифаларида беллашишди.

27 февраль куни полвонлар уч кураш бўйича ғолиблик йўлида куч синашишади.