26 янв 12:57
Янгиликлар

Бокс/ММА

"Йил шоумени" Камил Каратэнинг навбатдаги рақиби ва жанг санаси эълон қилинди (Постер)

Тожикистонлик аралаш якка кураш устаси Қарамиддин Ҳасановнинг (3-1-0) (Камил Каратэ) навбатдаги жанги тафсилотлари маълум бўлди.

У 16 февраль куни Қозоғистоннинг Олма-Ота шаҳрида ташкил этиладиган Octagon 55 турнири доирасида октагонга қайтади. Камилга ўша куни қирғизистонлик Марсель Нурланбек (11-0-0) рақиблик қилади.

Эслатиб ўтамиз, Камил Каратэ сўнгги жангини 2023 йил сентябрь ойида Элчибек Абдубалиевга қарши ўтказиб, очколар ҳисобига кўра ғалаба қозонган эди. Марсель Нурланбек эса охирги жангини 2023 йил декабрь ойида Жаҳонгир Носировга қарши ўтказди ва нокаут эвазига зафар қучди.