Йилнинг илк Гран-приси олдидан Тошкентда йиғин бошланди ФОТОРЕПОРТАЖ

Хабарингиз бор, терма жамоамиз ўн кун давомида Австриянинг Зальцбург Федерал ерига қарашли Миттерзилль шаҳарчасида жойлашган базада машғулот ўтказган эди. Ушбу халқаро ўқув-машғулот йиғинида йигирмадан зиёд давлатнинг мингдан зиёд дзюдочилари иштирок этган эди. 

Кечадан эса машғулотлар Ўзбекистон дзюдо федерацияси қошидаги спорт залига кўчди. Бош мураббий Илиас Илиадис ёрдамчилари билан бирга Исроилга йўл оладиган таркиб дзюдочиларини муросасиз беллашувларга тайёрлаяпти. Тошкентдаги йиғин 20 январга қадар давом этади. 

Терма жамоамиз делегацияси мавсумнинг илк IJF мусобақаси - Тель-Авив Гран-присига 21 январь куни жўнаб кетади. Исроилдаги бўлажак турнир ғолиблари 700 рейтинг очкосини қўлга киритадилар. Бу эса тобора қисқа фурсат қолаётган Токио-2020 Олимпиадаси учун қимматли баллардир.