13 дек 22:23
Янгиликлар

Бошқалар

Ёш жиу-житсучиларимиз Россиядаги мусобақада 4 та медаль қўлга киритишди

Теглар : Жиу-житсу

Шу кунларда Россия Федерацияси Санкт-Петербург шаҳрида жиу-житсу бўйича ACBJJ WORLD OPEN CHAMPIONSHIP - 2023 мусобақаси бўлиб ўтмоқда.

Баҳсларда Тошкент шаҳар жиу-житсу терма жамоаси ҳамда "Kaizen" академияси тарбияланувчилари иштирок этишмоқда.

Қувонарлиси, баҳсларда қатнашаётган вакилларимиз бугун 2 та олтин ва 2 та бронза медалларини қўлга киритишди.

Дамир Аҳмадулин (+45 кг) Gi ва NoGi йўналишларида олтин медалга сазовор бўлди. Нигита Тян (-40 кг) ва Абдураҳмон Наврўзов (-30 кг) Gi йўналишларида бронза медалларига эга бўлишди. Вакилларимиз турнирда мураббий Сирожбек Рустамов бошчилигида иштирок этишди.

Мусобақада 20 га яқин мамлакат спортчилари иштирок этмоқдалар.