11 дек 08:22
Янгиликлар
Шахмат
Ёш шахматчиларимиз Олимпиадада қатнашиш учун жўнаб кетишди
11-19 декабрь кунлари Ҳиндистоннинг Аҳмадобод шаҳрида шахмат бўйича 16 ёшгача бўлган ўсмирлар ўртасида Бутунжаҳон Шахмат Олимпиадаси бўлиб ўтади.
Мазкур Олимпиадада Ўзбекистон терма жамоаси шарафини 5 нафар шахматчимиз ҳимоя қилади. Кеча кечқурун терма жамоамиз делегацияси йилнинг энг нуфузли мусобақасида иштирок этиш мақсадида Ҳиндистонга жўнаб кетишди.
Шахмат Олимпиадасида халқаро тоифадаги спорт устаси, шу йили 16 ёшгача ўсмирлар ўртасида Осиё чемпиони Нодирбек Ёқуббоев, қитъа чемпионатининг олтин, кумуш ва бронза медаллари соҳиби Шамсиддин Воҳидов, Осиё чемпионатининг бронза медали совриндори Саидакбар Сайдалиев, шунингдек, Далер Воҳидов ҳамда мактаб ўқувчилари ўртасида Осиё чемпиони Ситора Сапарова терма жамоамиз сафида дона суришади.
Ўзбекистон ўсмирлар терма жамоаси бош мураббийи, ФИДЕ спорт устаси Акмал Файзуллаев.
Ҳавола :
Манба : olamsport.com
Фикрлар