Ёш таэквондочиларимиз Осиё чемпионатларидаги энг яхши натижаларини кўрсатишди, энг яхши спортчи ҳам Ўзбекистондан

Баҳсларда иштирок этган Ўзбекистон терма жамоаси аъзолари 2 та олтин, 1 та кумуш ва 4 та бронза медалини қўлга киритишди. Бу терма жамоамининг Осиё чемпионатидаги энг яхши натижасидир. 

Ўзбекистон таэквондо WTF ассоциациясининг хабар беришича, мусобақа давомида қуйидаги спортчиларимиз совридорлар қаторидан ўрин олишди:

-55 кг: Улуғбек Рашитов (ОЛТИН)

-68 кг: Жасур Жайсунов (ОЛТИН)

-48 кг: Азизжон Ўктамов (КУМУШ)

-63 кг: Абдулазиз Ҳамидуллаев (БРОНЗА)

-78 кг: Марат Мавлонов (БРОНЗА)

-63 кг: Феруза Садикова (БРОНЗА)

-55 кг: Озода Собиржонова (БРОНЗА).

Терма жамоамиз аъзоси Улуғбек Рашитов эса Осиё чемпионатининг энг яхши спортчиси номига сазовор бўлди. 

Эслатиб ўтамиз, шу йилнинг 17 июнь куни Ўзбекистон таэквондо WTF ассоциациясининг навбатдан ташқари йиғилишида Шерзод Тошматов раҳбар сифатида сайланганди. Бу янги раҳбарият қўл остидаги дастлабки ютуқ ҳисобланади.