06 сен 10:41
Янгиликлар

Шахмат

Ёшларимиз жаҳон чемпионатидан шода медаллар билан қайтишди

Болгариянинг Кранево шаҳарчасида 64 катакли шашка бўйича ёшлар ўртасидаги жаҳон чемпионати бўлиб ўтди.

Юнус Аминжонов бошчилигидаги етти нафар ёш спортчиларимиз ушбу жаҳон чемпионатида муваффақиятли тарзда иштирок этишди. Ҳамюртларимиз якунда 4та олтин, 4та кумуш, 5та бронза медалини қўлга киритишди.

Саккиз ёшли шашкачиларнинг рапид баҳсида иштирок этган Мавлуда Маҳмудова олтин, классик йўналишда эса бронза медалига сазовор бўлди. Ўн тўрт ёшлилар орасида ҳам рапид, ҳам класссик йўналишларда Озодбек Ўрмоналиев жаҳон чемпионатининг иккита олтин медалини қўлга киритди.

Саккиз ва 20 ёшли шашкачилар ўртасида Самира Қаҳҳорова ва Шаҳзода Турсунмуродова терма жамоамизга кумуш медални тақдим этишди. Шаҳзода Файзуллаева ва Фитрат Олимовлар ўз ёш тоифаларида бронза медалига сазовор бўлишди.