Ёшларимиз Россиядаги шахмат мусобақасида ғолиблар қаторидан жой олди

Швейцарча тизимда етти турдан иборат мусобақада йигирмага яқин давлатдан 190 шахматчи ғолиблик учун баҳслашди. 

Иқтидорли шахматчимиз, ФИДЕ устаси Нодирбек Абдусатторов колумбиялик Луиза Фернанда Диас, ҳиндистонлик Ришаб Шоҳ, мўғулистонлик Хосбаяр Хангал, россиялик шахматчилар Генрих Ролгейзер ва Даниил Голиков, туркманистонлик Сапармурод Отабоевни мағлубиятга учратиб, туркиялик Баҳодир Озен билан дуранг ўйнади. 

Нодирбек Ёқуббоев эса россиялик Артём Думанян, туркманистонлик шахматчилар Оллоёр Ширлиев, Султон Муродов, Сапармурод Отабоев, қозоғистонлик Казбек Ногербек ва Шри-Ланка вакили Тилакартне устидан ғалаба қозониб, туркманистонлик Фархан Казимов билан дуранг натижа қайд этди. 

Етти партияда 6,5 очкодан жамғарган Нодирбек Абдусатторов биринчи, туркиялик Баҳодир Озен иккинчи ва Нодирбек Ёқуббоев учинчи ўринни эгаллади.